തൃശൂര്‍ : സാഹിത്യഅക്കാദമി 1988-ല്‍ പ്രസിദ്ധീകരിച്ച അര്‍ണോസ് പാതിരിയുടെ മലയാളം-പോര്‍ത്തുഗീസ് ഡിക്ഷണറി പുനഃപ്രസിദ്ധീകരിക്കണമെന്ന് ആവശ്യപ്പെട്ട് വേലൂര്‍ അര്‍ണോസ് പാതിരി അക്കാദമി, കേരളസാഹിത്യഅക്കാദമി പ്രസിഡണ്ട് കെ. സച്ചിദാനന്ദന്‍, സെക്രട്ടറി പ്രൊഫ, സി.പി. അബൂബക്കര്‍ എന്നിവര്‍ക്ക് നിവേദനം നല്കി.
അനേക ഗവേഷകര്‍ക്കും സ്‌കൂള്‍-കോളേജ് ലൈബ്രറികള്‍ക്കും പ്രയോജനപ്രദമായ ഈ അപൂര്‍വ്വ ഗ്രന്ഥത്തിന്റെ കോപ്പി 20 വര്‍ഷമായി ലഭ്യമല്ലെന്നും ആയതുകൊണ്ട് സാഹിത്യ അക്കാദമി ഉടനെ ഈ ഗ്രന്ഥം പ്രസിദ്ധീകരിക്കാന്‍ തയ്യാറാകണമെന്നും 'അര്‍ണോസ് അക്കാദമി' ഡയറക്ടര്‍ ഡോ. ജോര്‍ജ് തേനാടിക്കുളം ഭാരവാഹികളായ ജോണ്‍ കള്ളിയത്ത്, പ്രൊഫ. എം.ഡി. ജോസ്. ബേബി മൂക്കന്‍. ഡേവിസ് കണ്ണമ്പുഴ, സുരേഷ് പുതുകുളങ്ങര എന്നിവര്‍ ആവശ്യപ്പെട്ടു.
