വെണ്ണൂർ: 1989 ൽ സത്യദീപം വാരികയിൽ പ്രസിദ്ധീകരിച്ച വിയോ വർഗീസ് എഴുതിയ ഭക്തിഗാനത്തിന്റെ ദൃശ്യാവിഷ്കാരം പ്രകാശനം ചെയ്തു. വിത്സൺ ആന്റണി സംവിധാനം ചെയ്ത
" കാഴ്ചയുമായ്.." എന്ന ഈ മ്യൂസിക് ആൽബത്തിന്റെ പ്രകാശനം, വെണ്ണൂർ
നിർ സെയ്ന്റ്മേരീസ് പള്ളി വികാരി ഫാ. ഡോ. ജോജോ തൊടുപറമ്പിൽ നിർവഹിച്ചു.
അന്നമനട ഗ്രാമ പഞ്ചായത്ത് പ്രസിഡന്റ് സുനിത സജീവൻ അദ്ധ്യക്ഷയായ യോഗത്തിൽ കവി പി.ബി. ഹൃഷികേശൻ മുഖ്യാതിഥിയായി. കവി സെബാസ്റ്റ്യൻ ഗാനാവലോകനം നടത്തി.ആനി ആന്റു, ജാൻസി ജോയ്,(പഞ്ചായത്ത് മെമ്പർമാർ), ഷീബ ഗിരീശൻ, ദേവസി കുന്നത്ത്, ഇ.വി ബെന്നി, സി.ജി. ജിതിൻ, സുധർമൻ കുമ്പിടി എന്നിവർ പ്രസംഗിച്ചു.
ഇത്രയും വർഷങ്ങൾക്ക് ശേഷം ഗാനത്തിന് ചിത്രീകരണം ഒരുക്കാൻ കഴിഞ്ഞതിൽ ഉള്ള സന്തോഷം ഗാനരചയിതാവ് വിയോ വർഗീസ് പങ്കുവെച്ചു.
