തിരഞ്ഞെടുപ്പ് പ്രചാരണത്തിനിടെ മുന്‍ അമേരിക്കന്‍ പ്രസിഡണ്ട് ഡൊണാള്‍ഡ് ട്രംപിന് വെടിയേറ്റ സംഭവത്തെ വത്തിക്കാന്‍ അപലപിച്ചു. വ്യക്തികളെ മാത്രമല്ല ജനാധിപത്യത്തെയും മുറിവേല്‍പ്പിക്കുന്ന അക്രമം ആയിരുന്നു അതെന്ന് വത്തിക്കാന്‍ വക്താവ് മത്തെയോ ബ്രൂണി പ്രസ്താവനയില്‍ പറഞ്ഞു. അമേരിക്കന്‍ മെത്രാന്മാരോടൊപ്പം ഈ അക്രമ സംഭവത്തിലെ ഇരകള്‍ക്കുവേണ്ടി ആഗോള സഭയും പ്രാര്‍ത്ഥിക്കുന്നതായി പ്രസ്താവന വ്യക്തമാക്കി. ഫ്രാന്‍സിസ് മാര്‍പാപ്പ ഇതേക്കുറിച്ച് പ്രത്യേക പ്രസ്താവന നടത്തിയിട്ടില്ല. സംഭവത്തില്‍ ഒരാള്‍ കൊല്ലപ്പെട്ടു.
