വേനലവധിയുടെ ഭാഗമായി വത്തിക്കാനില്‍ സംഘടിപ്പിച്ചിരിക്കുന്ന കുട്ടികളുടെ സ്‌പോര്‍ട്‌സ് ക്യാമ്പിലേയ്ക്കു ഫ്രാന്‍സിസ് മാര്‍പാപ്പയുടെ അപ്രതീക്ഷിത സന്ദര്‍ശനം. വത്തിക്കാന്‍ ഉദ്യോഗസ്ഥരുടെ നൂറിലധികം കുട്ടികളാണ് ക്യാമ്പില്‍ പങ്കെടുക്കുന്നത്. കുട്ടികള്‍ പ്രാതല്‍ കഴിക്കുന്ന നേരത്ത് ഹാളിലേയ്ക്കു കടന്നു വന്ന മാര്‍പാപ്പ എല്ലാവരുടേയും മേശകള്‍ക്കടുത്തു പോയി കുട്ടികളോടു സംസാരിച്ചു. കളിസ്ഥലങ്ങളും മാര്‍പാപ്പ നടന്നു കണ്ടു. പുതിയ സൗഹൃദങ്ങള്‍ കണ്ടെത്താനും കൂട്ടുകൂടാനും കുട്ടികളോടു മാര്‍പാപ്പ നിര്‍ദേശിച്ചു.
