യൂറോപ്യന് വന്കര ഭാവിയില് നേരിടാന് പോകുന്ന ഒരു പ്രശ്നമായിരിക്കും മതസ്വാതന്ത്ര്യത്തിനെതിരായ ആക്രമണങ്ങളെന്നു കാര്ഡിനല് ഷാങ് ക്ലൗദെ ഹൊളെറിച്ച് പ്രസ്താവിച്ചു. സഭ പീഢിപ്പിക്കപ്പെടും എന്നു പറയുന്നില്ല. അത് അധികമായിപ്പോകും. എന്നാല് വിവിധ തലങ്ങളില് മതസ്വാതന്ത്ര്യത്തിനെതിരായ ചെറിയ ആക്രമണങ്ങള് അരങ്ങേറും. അവയെ നാം ചെറുക്കേണ്ടതുണ്ട് – കാര്ഡിനല് ഹൊളെറിച്ച് വിശദീകരിച്ചു.
യൂറോപ്യന് യൂണിയനിലെ മെത്രാന് സംഘങ്ങളുടെ കമ്മീഷന്റെ പ്രസിഡന്റാണ് ലക്സംബര്ഗ് ആര്ച്ചുബിഷപ്പായ കാര്ഡിനല് ഹോളെറിച്ച്. 27 രാജ്യങ്ങളിലെ മെത്രാന് സംഘങ്ങള് ചേരുന്നതാണ് ഈ കമ്മീഷന്. കഴിഞ്ഞ വര്ഷം കോവിഡ് പകര്ച്ചവ്യാധിയുടെ പശ്ചാത്തലത്തില് ചില യൂറോപ്യന് രാജ്യങ്ങളില് പള്ളികള് അനിശ്ചിതമായും നിര്ബന്ധമായും അടച്ചിട്ടതിനെതിരെ കമ്മീഷന് പ്രതികരിച്ചിരുന്നു. യൂറോപ്യന് യൂണിയനില് ഭ്രൂണഹത്യയ്ക്കെതിരായ നിയമങ്ങള് ഇല്ലാതാക്കുന്നതിനു നടത്തുന്ന നീക്കങ്ങള്ക്കെതിരെയും ഈ കമ്മീഷന് രംഗത്തു വന്നിരുന്നു.