ഫ്രാന്സിലെ കത്തോലിക്കാസഭയില് ഈ വര്ഷം 15 നവവൈദികരാണ് തിരുപ്പട്ടം സ്വീകരിക്കുക. കഴിഞ്ഞവര്ഷം നവവൈദികരുടെ എണ്ണം 88 ആയിരുന്നു. ഫ്രാന്സില് ജൂണിലാണ് മിക്കവാറും പൗരോഹിത്യ സ്വീകരണങ്ങള് നടക്കുക. കൂടുതലും വിശുദ്ധ പത്രോസ് പൗലോസ് ശ്ലീഹാന്മാരുടെ തിരുനാള് ദിനത്തില്. ഏറ്റവും പുതിയ തലമുറയിലും ഇവിടെ പൗരോഹിത്യത്തിലേക്ക് ആകര്ഷിക്കപ്പെടുന്ന ആളുകളുണ്ട് എന്ന് ഫ്രാന്സിലെ ആര്ച്ചുബിഷപ് ബെര്ട്രാന്ഡ് ലക്കോംബെ ചൂണ്ടിക്കാട്ടി. 105 നവവൈദികരില് 73 പേര് രൂപത വൈദികരും 16 പേര് സന്യാസ സമൂഹാംഗങ്ങളുമാണ്. ബാക്കിയുള്ളവര് അപ്പസ്തോലിക സമൂഹങ്ങള്ക്കുവേണ്ടി അഭിഷിക്തരാകുന്നവരാണ്.