ബംഗ്ലാദേശില് ദുരിതമനുഭവിക്കുന്ന കത്തോലിക്കര്ക്കും ഇതരന്യൂനപക്ഷങ്ങള്ക്കും പ്രത്യാശയുടെ സന്ദേശവുമായി വത്തിക്കാന് സമഗ്രമനുഷ്യവികസനകാര്യാലയത്തിന്റെ അധ്യക്ഷന് കാര്ഡിനല് മൈക്കിള് ചേണി സന്ദര്ശനം നടത്തി. റോഹിംഗ്യകളെയും കാര്ഡിനല് സന്ദര്ശിച്ചു. അഞ്ചു ദിവസത്തേതായിരുന്നു അജപാലനസന്ദര്ശനം.
തലസ്ഥാനമായ ധാക്കയിലും നാരായണ്ഗഞ്ജിലുമായി അമ്പതിനായിരത്തോളം കത്തോലിക്കര് ഭവനരഹിതരായി കഴിയുന്നുണ്ട്. 11 ലക്ഷത്തോളം റോഹിംഗ്യന് അഭയാര്ഥികളും അവിടെയുണ്ട്. ലോകത്തിലെ ഏറ്റവും വലിയ ഒരു അഭയാര്ഥിക്യാമ്പാണിത്. നാരായണ്ഗഞ്ജിലെ വ്യവസായമേഖലയില് 600 കത്തോലിക്കര്ക്കൊപ്പം കാര്ഡിനല് ചേണി ദിവ്യബലിയര്പ്പിച്ചു. ഗ്രാമീണമേഖലകളില് നിന്നു തൊഴില് തേടി നഗരത്തിലേക്ക് എത്തിയവരാണിവര്.
