ഇറാഖില് മുസ്ലീം തീവ്രവാദികള് കൊലപ്പെടുത്തിയ ഫാ. റഗീദ് ഉള്പ്പെടെയുള്ള അഞ്ചു കത്തോലിക്കരുടെ രക്തസാക്ഷിത്വം സഭ ഔദ്യോഗികമായി അംഗീകരിക്കാന് സാദ്ധ്യത. ഇതിനുള്ള പ്രാഥമിക നടപടിക്രമങ്ങള് ആരംഭിച്ചു. ഇപ്പോള് ആസ്ത്രേലിയായില് അഭയാര്ത്ഥിയായി കഴിയുന്ന ബയാന് ആദം ബലായുടെ ഭര്ത്താവാണ് ഫാ. റഗീദിനൊപ്പം കൊല്ലപ്പെട്ടവരില് ഒരാള്. ബയാന് 2007-ല് നടന്ന ഈ കൂട്ടക്കൊലയ്ക്കു ദൃക്സാക്ഷിയാണ്. നാലു പേരാണ് അന്നു കൊല്ലപ്പെട്ടത്. പള്ളിയിലെ പ്രാര്ത്ഥനകള് അവസാനിപ്പിക്കുകയും പള്ളി അടച്ചു പൂട്ടുകയും ചെയ്യണമെന്ന മതമൗലികവാദികളുടെ ആവശ്യം നിറവേറ്റാതിരുന്നതിന്റെ പേരിലായിരുന്നു കൊലപാതകങ്ങള്. 2002-ല് കൊല്ലപ്പെട്ട സിസ്റ്റര് സെസിലിയ ഹന്നായുടെ രക്തസാക്ഷിത്വവും ഇതോടൊപ്പം പരിഗണിക്കപ്പെടുന്നുണ്ട്.
