ശാസ്ത്രത്തെയും വിശ്വാസത്തെയും എങ്ങനെയാണ് ഒരുമിച്ച് കൊണ്ടുപോകാൻ കഴിയുക?

ശാസ്ത്രീയ സിദ്ധാന്തങ്ങളെ അംഗീകരിക്കുമ്പോൾ പോലും നമ്മുടെ വിശ്വാസത്തെ തള്ളിക്കളയാതിരിക്കാൻ നാം ശ്രമിക്കണം. ​സൃഷ്ടിച്ച പ്രപഞ്ചത്തെയും ജീവനെയും ദൈവം എങ്ങനെ പരിപാലിക്കുന്നു എന്ന് മനസ്സിലാക്കാനുള്ള രണ്ട് ടൂൾസ് (ഉപകരണങ്ങൾ) ആയാണ് ബിഗ് ബാങ് തിയറിയെയും പരിണാമ സിദ്ധാന്തത്തെയും കാണേണ്ടത്. ​

മതം, ശാസ്ത്രം എന്നിവ ഒരേ സത്യത്തെ വ്യത്യസ്ത രീതിയിൽ വ്യാഖ്യാനിക്കുന്ന രണ്ട് വഴികളാണ്.ബൈബിളിനെ ഒരു ശാസ്ത്ര ഗ്രന്ഥമായി കാണരുതെന്നും, അതിനെ അക്ഷരാർഥത്തിലോ വാച്യാർഥത്തിലോ മാത്രം വ്യാഖ്യാനിക്കരുതെന്നും സഭ പഠിപ്പിക്കുന്നു.​ കൂടാതെ ശാസ്ത്രത്തെ കണ്ണടച്ച് എതിർക്കരുതെന്നും സഭ നമ്മെ പഠിപ്പിക്കുന്നു.

ശാസ്ത്രീയ സിദ്ധാന്തങ്ങൾ യാഥാർത്ഥ്യങ്ങളാണെങ്കിലും ദൈവിക ഇടപെടലിനെ തള്ളിക്കളയരുത്. ​​ശാസ്ത്രം ജീവനും പ്രപഞ്ചവും എങ്ങനെ വളർന്നു വികസിച്ചു എന്ന് പറയുന്നു. ​സഭയാകട്ടെ, അവ ആരിൽ നിന്ന് ഉത്ഭവിച്ചു എന്നാണ് പഠിപ്പിക്കുന്നത്.

ശാസ്ത്രീയ സിദ്ധാന്തങ്ങളെ അംഗീകരിക്കുമ്പോൾ പോലും നമ്മുടെ വിശ്വാസത്തെ തള്ളിക്കളയാതിരിക്കാൻ നാം ശ്രമിക്കണം. ​സൃഷ്ടിച്ച പ്രപഞ്ചത്തെയും ജീവനെയും ദൈവം എങ്ങനെ പരിപാലിക്കുന്നു എന്ന് മനസ്സിലാക്കാനുള്ള രണ്ട് ടൂൾസ് (ഉപകരണങ്ങൾ) ആയാണ് ബിഗ് ബാങ് തിയറിയെയും പരിണാമ സിദ്ധാന്തത്തെയും കാണേണ്ടത്. ​ഈ മാറ്റങ്ങളെ തിരിച്ചറിയുമ്പോൾ അവയ്ക്ക് പിന്നിലെ സ്രഷ്ടാവിനോട് നമുക്ക് ആരാധന തോന്നണം.

പല കാരണങ്ങളാലും നാം ദൈവത്തെ തള്ളിക്കളഞ്ഞ് ശാസ്ത്രപരമായ സിദ്ധാന്തങ്ങളെ മുറുകെപ്പിടിച്ച് ഒരു നിരീശ്വരവാദിയായേക്കാം. എന്നാൽ, നമ്മുടെ രക്ഷയ്ക്കുവേണ്ടി മരിച്ചു എന്ന് ചരിത്രം പോലും ഏറ്റുപറയുന്ന യേശുവിന്റെ സ്നേഹം ഉൾക്കൊണ്ട് നാം വിശ്വാസമുള്ളവരായിരിക്കണം.

വിശ്വാസം എന്നത് പ്രത്യാശിക്കുന്നവ ലഭിക്കുമെന്ന ഉറപ്പും കാണപ്പെടാത്തവ ഉണ്ട് എന്ന ബോധ്യവുമാണ്. ഈ ബോധ്യം ശാസ്ത്രപരമായ ചിന്തകളാൽ ഇല്ലാതാകേണ്ടതല്ല. ​ശാസ്ത്രത്തിന് ഇനിയും പൂർണ്ണമായി വ്യാഖ്യാനിക്കാൻ ആവാത്ത ഡാർക്ക് എനർജിക്കും ഡാർക്ക് മാറ്ററിനും പിന്നിൽ ഒരു വലിയ ക്രിയേറ്റർ ഉണ്ടെന്ന് നാം ഉറച്ചു വിശ്വസിക്കണം.

ശാസ്ത്രം പ്രപഞ്ചം എങ്ങനെ പ്രവർത്തിക്കുന്നു, ജീവൻ എങ്ങനെ വികസിച്ചു എന്നതിന്റെയൊക്കെ ഭൗതിക യാഥാർത്ഥ്യങ്ങൾ പഠിപ്പിക്കുന്നു. ​വിശ്വാസം ജീവിതത്തിന്റെ അർഥം, ധാർമ്മികത, മൂല്യങ്ങൾ, ലക്ഷ്യം എന്നിവയുമായി ബന്ധപ്പെട്ട ആത്മീയ യാഥാർത്ഥ്യങ്ങൾ പഠിപ്പിക്കുന്നു.

ശാസ്ത്രം ഉത്തരം തേടുന്നത് "എങ്ങനെ" ഉണ്ടായി എന്നതിനെക്കുറിച്ചാണെങ്കിൽ, സഭ ശ്രമിക്കുന്നത് "എന്തിനാണ്" ഇവയെല്ലാം സൃഷ്ടിക്കപ്പെട്ടത്, അതിന്റെ ലക്ഷ്യവും അർഥവും എന്താണെന്ന് മനുഷ്യർക്ക് മനസ്സിലാക്കി കൊടുക്കാനാണ്. ഭാവിയിലേക്ക് പ്രത്യാശയോടും ലക്ഷ്യബോധത്തോടും കൂടെ നടക്കാൻ അത് അത്യാവശ്യമാണെന്ന് നാം ഉറച്ചു വിശ്വസിക്കണം.