കൊച്ചി: മനുഷ്യജീവന് ഏറ്റവും വില കല്‍പ്പിക്കുന്ന ഈ കാലഘട്ടത്തില്‍ രക്തദാനം അനിവാര്യമാണെന്ന് ടി. ജെ. വിനോദ് എം. എല്‍.എ. പറഞ്ഞു. ലോകരക്തദാതാക്കളുടെ ദിനത്തോടനുബന്ധിച്ച് ചാവറ കള്‍ച്ചറല്‍ സെന്റര്‍, ചാവറ ഇന്‍സ്റ്റിറ്റ്യൂട്ട്, ചാവറ ഫാമിലി വെല്‍ഫെയര്‍ സെന്റര്‍ , സേവ, മെഡിലാബ് എന്നിവയുടെ നേതൃത്വത്തില്‍ ലൂര്‍ദ്ദ് ഹോസ്പിറ്റലിന്റെ സഹകരണത്തോടെ സംഘടിപ്പിച്ച ലോകരക്തദാതാക്കളുടെ ദിനാചരണവും രക്തദാനക്യാമ്പും ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ഫാ. മാത്യു കിരിയാന്തന്‍ അദ്ധ്യക്ഷത വഹിച്ച ചടങ്ങില്‍ 62ാം ഡിവിഷന്‍ കൗണ്‍സിലര്‍ പത്മജ എസ്. മേനോന്‍, സിസ്റ്റര്‍ ജ്യോത്സന, ഡോ. സൂസന്‍, ഫാ. തോമസ് പുതുശ്ശേരി, ടി.എ. വര്‍ക്കി,ജോണ്‍സണ്‍ സി. എബ്രഹാം, ജോളി പവേലില്‍ എന്നിവര്‍ പ്രസംഗിച്ചു.1971മുതല്‍ രക്തം ദാനം ചെയ്തു തുടങ്ങിയ ടി. എ. വര്‍ക്കിയെ, ടി. ജെ. വിനോദ് എം. എല്‍. എ. പൊന്നാട അണിയിച്ചു ആദരിച്ചു.